Dagelan Jawa Timuran : Sopir Taksi versi 2

Mas Deddy mari mulih jogo pabrik kiro-kiro jam rolas bengi.
Embong wis suepi, gak onok bemo sing lewat, ojek yo gak onok.
Mas Deddy malih merinding disko opo maneh ketepakan saiki malem Jum'at kliwon.
Mari ngenteni sui, akhire onok taksi liwat, waduh lumayan pikire.

Mari mlebu taksi lungguh ndhik mburi, Mas Deddy terus ngandani supir taksine njaluk diterno mulih nang Wiyung.
Mergo kekeselen, gak sui Mas Deddy langsung keturon pules.

Pas enak-enak turu, Mas Deddy moro-moro keroso taksine kok tambah alon.
Bareng didelok dhadhak supir taksine wis gak onok, tibake montore mlaku dhewe.
Mas Deddy tambah gemeter pas ndhelok tibake taksine lagi ngeliwati kuburan.

Mergo gak kuat nahan wedhi, Mas Deddy bengok-bengok ambek kepuyuh-puyuh "Tolong !!. . .tolong !!".

Moro-moro seko jendelone taksi, onok endhase supir taksi njengongok.

Mas Deddy tambah pucet gak karuan, tibake supir taksine ngomong ngene.
"Hee cak . .ojok bengak-bengok ae . . Ewangono nyurung, montore mogok iki lho. ."