Onok juragan tambak jenenge Yu Sablah ngadakno sayembara.
"Sopo ae sing wani njegur nang tambakku, bakal oleh hadiah Sepeda Montor." jare Sablah.
Akeh wong sing ngumpul ndelok sayembarane, tapi gak onok sing wani njegur nang tambak. Masalae tambake isine duduk iwak tapi boyo, nyambik, bajul lan sak panunggalane.
Mergo gak onok sing wani njegur, hadiae digenti dadi montor kijang anyar. Tapi tetep ae gak onok sing wani njegur mergo merinding ndelok boyone guedhe-guedhe mangap kabeh sajak keluwen.
Akhire ambek Yu Sablah hadiae ditambah maneh, montor kijang anyar ambek omah sak isine. Tapi tetep ae gak onok sing wani njegur. Mari sepi meneng kuuuabeh, moro-moro Cak Gimo njegur nang tambak.
Penontone keplok-keplok kabeh ndelok Cak Gimo gelut ambek boyo.
Kiro-kiro wis luwih sak jam, akhire Cak Gimo tampil sebagai pemenang.
Cumak yo ngono, awake dhedhel dhuwel kuabeh.
Wis mari ambegan, Yu Sablah marani arep nyerahno hadiae, tapi Cak Gimo nolak.
"Yo wis tak tambahi dhuwik limangatus juta" jare Yu Sablah, tapi Cak Gimo tetep nolak.
"Tak tambahi mas-masan sak kilo" jare Yu Sablah maneh, Cak Gimo tetep gak gelem.
"Wis
ngene ae, awakmu njaluk opo ae, tak turuti" jare Yu Sablah gak gelem
kalah, mergo acarane sukses. Akhire Cak Gimo manthuk tandhane gelem, karo
ngomong ngene
"Aku karo njaluk arek sing njungkrakno aku mau digowo mrene, .. dak gibenge!" jare Cak Gimo emosi.