Dagelan Jawa Timuran : Kulit mungsuh kulit

Pak Imron nduwe anak wedok jenenge Romlah. Anake iki waduh uuuuwayune pol.
Selain iku Pak Imron yo nduwe pembantu jenenge Soleh. Pembantune iki areke mbethik. Tapi masio Nakal Soleh iku areke sregep, dikongkon sembarang mesti gelem.
Lha Soleh iku wis suwe ngesir Romlah. Berhubung de'e pembantu dadi Soleh gak wani nggudho langsung.
Akhire Soleh oleh kesempatan. Pas Romlah turu ndhik kamar, Bapake Romlah nyeluk Soleh tekok kamare,
"Leh . . Soleh, Bapak jupukno sandal ndhik kamare Romlah cepetan".
"Iyo pak, tak jupukno" jare Soleh, mari ngono Soleh mlebu nang kamare Romlah
"Lah . . Romlah, aku dikongkon bapak ngesun pipimu" jare Soleh mbijuk.
Romlah kaget lan gak percoyo, "Leh.. koen ojok kurang ajar lho. Engkok koen tak kandakno Bapak."
Soleh terus mbengok banter, "Pak..pak.. Romlah gak gelem pak."
Pak Imron emosi dibengoki Soleh, mari ngono ngomong banter,
"Romlah kekno ae, ojo mbantah perintahe Bapak."
Romlah terpaksa manut, terus pipine disun karo Soleh. Sengak sengok, sengak sengok.
Mari ngesun pipine Romlah, Soleh njupuk sandale terus mblayu nang kamare Pak Imron, "Pak.. pak, niki lho sandale sampeyan," jare Soleh.
Mari ngono Pak Imron metu tekok kamare, kepethuk Romlah. Pak Imron kaget ndhelok Romlah Nangis,
"Lah.. Romlah awakmu opo'o kok nangis".
"Aku mari diambungi karo Soleh", jare Romlah.
"Opoo !!!?" jare Bapake Romlah ngamuk, saking ngamuke sampek ngentut dhuuuuut.
"Leh ... Soleh koen kok wani ngesun Romlah ketemu pirang perkoro!!!?".
"Pak .. pak, sampeyan ngono ae kok ngamuk, iki lak cuma kulit mungsuh kulit tok" jare Soleh.
Akhire pak Imron bapake Romlah gak sido ngamuk didhem-dhemi Soleh ngono kuwi.
Gak suwe bu Imron ibuke Romlah mulih teko pasar. Ibuke Romlah kaget pisan ndelok Romlah nangis.
Bareng ngerti lek Romlah disun Soleh, bu Imron ibuke Romlah terus muntap, gori tewel sing sik tas wae dituku dijupuk terus digibengno nang raine Soleh.
Soleh nangis gerung-gerung ngrasakno larane. Mari ngono pak Imron Bapake Romlah ngomong nang Soleh,
"Leh . Soleh, iku lak cumak kulit mungsuh kulit ae. Mosok ngono ae wis nangis"